Hildigunnur Kristinsdóttir

2004-04-02T09:04:00.000Z

Það er kominn föstudagur, ég hef ekkert skrifað í tvo daga. Það er líka búið að vera frekar mikið að gera, ég er búin að vera með próf og svo er árshátíðarundirbúningur í fullum gangi. Það er árshátíð grunnskólans hér í kvöld þannig að það þarf að redda ýmsu. En nú er komið kaffi þannig að best að fara að fá sér kökur:)

2004-03-30T15:59:00.000Z

Það er komin 30. mars og hún Fríða litla systir mín á afmæli í dag:) Til hamingju með afmælið krúsidúllan mín!! Það er nokkrir sem ég þekki sem eiga líka afmæli í dag, til dæmis Inga í búðinni, Fjóla frænka mín sem býr í Svíþjóð og svo Celine Dion sem er ein af mínum bestu vinkonum:) Þannig að þetta hlýtur bara að vera doldið merkilegur dagur!! Eða hvað??
Mars fer sem sagt að vera búinn, þá tekur við apríl sem er besti mánuðir ársins:) Að mínu mati allavega!! En rosalega líður tíminn hratt, það verða komin jól áður en ég veit af. En fyrst á ég eftir að flytja til Reykjavíkur, ég flyt sem sagt í júní og fer að vinna á Landspítalanum. Það verður örugglega fínt.
Nú ætla ég að reyna að fara að gera eitthvað af viti, t.d. gera þjóðfélagsfræðipróf fyrir 9. og 10. bekk, sem þau eiga að taka á morgun hjá mér!
heyrumst, kiss kiss:)

2004-03-29T16:36:00.000Z

nú er ég búin að fara í sólbað í pollinn:) og búin að gera landafræðipróf fyrir 8.bekk:) þá á ég bara eftir að fara að hlaupa og lyfta, og þá er dagurinn fullkominn:) en ég nenni ekki að skrifa neitt meira, sorry, heyrumst;)

2004-03-29T13:24:00.000Z

Mánudagar eru nú oftast þægilegir dagar hjá mér, var til dæmis að klára að kenna og þarf ekki að fara á netfund í mínum skola í dag. Veðrið hér er dásamlegt, ætli ég fari ekki bara í pollinn í sólbað!! Sirrý er að koma að sækja mig, ég kíki kannski við seinni partinn, heyrumst!! Kiss Kiss

2004-03-29T09:21:00.000Z

jæja nú er komin síðasta dagurinn sem ég VERÐ að blogga, en ætli ég haldi nú ekki samt aðeins áfram eftir þetta, við sjáum allavega til. Þar sem ég vaknaði svona snemma í gærmorgun þá var ég alveg orðin dauð um tíuleytið í gærkveldi, þannig að ég fór bara að sofa þá. Samt var ég drulluþreytt í morgun og nennti varla á fætur. Ég fór nú samt á fætur og er nú búin að vera að kenna landafræði og sögu. Í landafræði tímanum lét þau glósa um orku, þau gjörsamlega hata að glósa, það er það leiðinlegasta sem þau gera, en í sögutímanum lásu þau aðeins í bókinni um Vesturfara og horfðu svo á videomynd um vesturferðirnar. Tímarnir gengu ágætlega þó svo að það vantaði meira en helminginn af bekknum. Það er svo pirrandi þegar það vantar svona marga, en ég verð að reyna að halda áætlun þannig að þau verða bara að nálgast efnið annað hvort hjá mér eða bekkjarfélögum sínum. Nú verð ég að þjóta, frímínúturnar eru búnar, ég skrifa bara meira í dag:)

2004-03-28T15:58:00.000Z

Halló halló!
Nú er ég aftur komin niður í skóla til að blogga. Gærkveldið var svipað föstudagskvöldinu, við stelpurnar lágum fyrir framan sjónvarpið, fórum frekar snemma að sofa miðað við laugardagskvöld og vöknuðum snemma í morgun. Ég er nú ekki búin að afreka mikið í dag, ég er þó búin að horfa á eina videomynd, nágranna fyrir alla síðustu viku, fara að hlaupa og í sund, það er þó nokkuð gott því klukkan er bara fjögur.
Í kvöld ætlum við að elda kjúkling í Tikka Masala, mmm það er svo gott. Svo ætlum við líka að fara að fá okkur ís í brauði því að við fengum okkur ekki í gær!!
Það verður örugglega frekar mikið að gera í vikunni sem er að byrja, ég er t.d. með þrjú próf og svo er árshátíð grunnskólans á föstudaginn, fyrir utan að blaðanefndin verður að vinna aðeins í skólablaðinu og ég er víst með umsjón með því. Það reddast vonandi allt saman, og síðan byrjar fríið:)
Það er snjór úti núna, en samt mjög gott veður. Ég held líka að það eigi að fara að rigna á morgun, ég vona allavega að það fari nú að vora.
En nú held ég að það sé komið nóg af bulli í dag!
kiss kiss

2004-03-27T13:59:00.000Z

Halló halló!
Það er bara komin laugardagur, og ég gerði mér ferð niður í skóla bara til að blogga aðeins. Ég nenni ekki að fara á netið heima, það er svo hægvirkt, fyrir utan að það getur tekið dágóðan tíma að komast inn á það. Í gærkveldi tókum við stelpurnar videospólu á Hópinu, fórum svo heim og horfðu á Idol, þegar það var búið um ellefuleytið vorum við orðnar svo þreyttar að við fórum bara að sofa. Erna var að vísu farin að sofa um tíu, hún var svo þreytt. Ég vaknaði svo rétt fyrir níu í morgun og fór þá að lesa (ótrúlegt en satt), aðeins seinna voru bara allir á heimilinu vaknaðir svo við fórum bara að horfa á video, svo erum við búnar að vera þrífa íbúðina sem núna lítur bara ágætlega út:)
Ég vildi að það væri sól svo ég gæti farið í sólbað!!:) Fríða systir er að fara til Danmerkur og Svíþjóðar um páskana, mig langar svolítið líka en ég held að það verði samt skemmtilegra fyrir mig að fara þegar ég á pening. Ég hefði örugglega getað það ef ég hefði ekki farið í þetta nám sem ég er í, það er búið að kosta mig viðbjóðslega mikinn pening, ég vona bara að það eigi eftir að skila sér. Mér finnst þetta ekki sniðugt nám fyrir þá sem búa úti á landi nema þeir séu ríkir og vilja eyða peningum sínum á hvað sem er. Mig grunaði aldrei að þetta yrði svona dýrt, en það er kannski bara mér að kenna, ég verð að fara að læra að hugsa áður en ég framkvæmi!!!
Jæja, við stelpurnar erum að hugsa um að fara í sund og jafnvel að fara svo og fá okkur ís í brauði, þannig að ég kveð bara núna, ég efast um að ég nenni að koma aftur hingað bara til að skrifa blogg hérna í dag, við heyrumst bara á morgun.
Kiss kiss

2004-03-26T10:00:00.000Z

Halló:)
Það er alveg rétt hjá þér Fríða mín, við heyrumst alltof sjaldan, en nú getur þú fylgst með mér;) Heyrðu annars, ég sendi afmælisgjöfina þína bara heim til mömmu, þú verður að nálgast hana þangað!!! ókí?? En nóg um það, ég á frí í kvöld:) Féló er lokuð vegna þess að það verða svo fáir heima, það eru mjög margir að fara í bæinn, ég held að það verði tómur bær hér um helgina. Sirrý hætti þó við að fara, hún nennti ekki, ég skil hana líka alveg, við erum hvort eð er að fara suður 3. apríl.
Við Sirrý áttum að sjá um kökurnar með kaffinu í dag, við komum með tvær rúllur (ósk Evu), Dísudraum og svo eina köku sem við viljum kalla Tilraun, því hún var tilraun út í gegn (tókst samt vel). Núna eru allir búnir að éta á sig gat, og samt er mikið eftir en ætli það fari ekki eitthvað af því í næstu frímínútum:)
Heldurru ekki að það hafi bara byrjað að snjóa í morgun, og það snjóar ennþá, ég held samt og vona að það verði ekkert mikið. En jæja nú verð ég að fara að pikka inn upplýsingar fyrir ljósmyndakeppnina í féló svo krakkarnir geti farið að taka myndir.
Við heyrumst bara síðar,
kiss kiss!!

2004-03-25T10:55:00.000Z

Ég var næstum búin að gleyma einu en það er eitt sem mig langar að segja við þig og það er:

2004-03-25T09:50:00.000Z

Góðan daginn! Þá er kominn fimmtudagur, ég er svo glöð og fegin að vera búin að skila þessum verkefnum sem eru búin að valda mér miklu hugarangri síðustu vikur, að ég verð eiginlega bara að halda upp á það!! Hmmm, en hvernig? ja það kemur í ljós! Kannski ég geri bara eitthvað skemmtilegt um helgina, eða reyni að mála eitthvað, ég hef varla málað neitt síðan ég byrjaði í skólanum í janúar, það fer svo rosalega mikil tími í þetta allt saman. Þetta er líka góður dagur þar sem ég á nánast frí í dag, það er íþróttadagur hér í skólanum þannig að það er lítil sem engin kennsla, ég er eiginlega búin að kenna mína tíma í dag:) Kannski ég reyni þá að vinna eitthvað aðeins í heimasíðunni minni, ég finn örugglega eitthvað að gera! Sirrý er að fara suður til Reykjavíkur í dag, þannig að við Erna verðum bara tvær heima um helgina.
Ég fer svo suður 3. apríl, þá er ég komin í páskafrí:) ooo hvað ég hlakka til.
Ég vil líka benda ykkur á að skoða heimasíðuna um Picasso, hún gekk nokkuð vel, þið komist inn á hana á heimasíðunni minni.
En jæja þetta er orðið nóg í bili, við heyrumst;)
Kiss kiss
P.S. Róbert!!!! Til hamingju með afmælið!!!!!

2004-03-24T11:44:00.000Z

Það tókst!:) Að setja inn mynd, loksins. Ég var búin að reyna og reyna en ekkert gekk, svo bara búmm og það tókst:) núna kann ég það allavega. Annars er voða lítið að frétta, það er ágætt veður, sólin skín en það er samt ótrúlega hvasst. Ég hringdi í morgun til að panta mér tíma hjá tannlækni næst þegar ég fer í Reykjavík, en það verður í páskafríinu. Ég fékk tíma 5. apríl, ég vona bara að það þurfi ekki að gera neitt mikið!!:) En nú ætla ég að fara í hádegismat, skrifa meira á eftir, heyrumst;)

2004-03-24T11:38:00.000Z

Þessa mynd tók Sirrý af mér um áramótin;)

2004-03-23T19:10:00.000Z

úfff jæja þá er ég búin að vera hér í skólanum frá klukkan átta í morgun, er núna búin að skila Picasso verkefninu og ljósmyndasýningunni. Núna verð ég bara að fara heim að borða áður en kvöldið byrjar. Ég ætla að reyna að setja myndir hérna inn á morgun, en þangað til þá, heyrumst:)

2004-03-23T11:46:00.000Z

Halló halló! Rosalega flott sýningin þarna Gallerý Epli, ég var að skoða hana og mér finnst hún alveg æði:) Það er nú svo sem ekkert mikið búið að gerast það sem af er deginum, ég er búin að vera að vinna í Picasso verkefninu, það fer nú alveg að verða tilbúið held ég, og svo er ég búin að vera að kenna. Núna er hádegishlé þannig að ég ætti nú eiginlega að fara að fá mér eitthvað að borða. Eftir kennslu í dag er svo kennarafundur og svo þarf ég að mæta á svona netfund í skólanum mínum klukkan fimm. Ég á líka að skila Picasso verkefninu í dag, þannig að ég þarf að klára það og svo þarf ég líka að klára að setja ljósmyndasýninguna mína inn á netið. Það er því nóg framundan í dag og því er best að fara að fá sér eitthvað í gogginn! Ég reyni samt að líta hér við seinni partinn!!

2004-03-22T12:38:00.000Z

oj hvað mér er illt í maganum og hálsinum!:( Ég ætla rétt að vona að ég sé ekki að verða veik! Það er frábært veður úti, sól og nánast logn! Ég vildi að ég gæti farið í sólbað, ég á bara eftir að gera svo mikið í dag að það lítur út fyrir að ég verði að geyma sólbaðið til betri tíma;) Jæja það er best að vera ekkert að slóra, halda áfram að vinna. Heyrumst!!!

2004-03-22T07:51:00.000Z

Góðan daginn og velkomin á fætur!! Ég vona að helgin hafi verið fín hjá ykkur, hún var ágæt hjá mér. Ég fór í bíó á Patró í gær, á myndina Along came Polly. Hún var ágæt! En jæja nú verð ég að fara að kenna, skrifa meira i dag, heyrumst!!!

2004-03-21T14:44:00.000Z

Halló halló! Ég komst ekkert í tölvu í gær, þannig að ég gat ekkert skrifað hér þá en nú skal ég bæta það upp! Í gærkvöldi fór ég ásamt Ernu á ball á Partó, það var árshátíð þar fyrr um kvöldið. Sirrý og Hulda fór á árshátíðina og svo hittum við þær þegar við komum á ballið. Það var ekkert svo gaman, við vorum komnar rétt eftir eitt og áttum að borga 4000 krónur inn á mann, þá ætluðum við að hætta við að fara en svo sluppum við inn með því að borga 2000 krónur hvor, ekki þess virði. En jæja svona getur þetta verið! Það gerðist samt ýmislegt skondið sem við munum aldrei gleyma:)
En nú ætla ég að halda áfram að læra, heyrumst síðar;)
Kiss kiss

2004-03-19T11:05:00.000Z

Halló kæra bloggsíðan mín!
Fyrirgefðu að ég gleymdi að skifa eitthvað í gær, en ég var svo upptekin í gær! Hvað er annars að frétta hjá ykkur hinum? Ég hef núna undanfarið verið að vinna verkefni um Picasso, það er mjög fróðlegt. Ég á að skila því sem heimasíðu þannig að þegar það er tilbúið þá get sem sett link inn á það svo þið getið séð það! Það er sko ef þið hafið áhuga:)

2004-03-17T09:41:00.000Z

Góðan daginn!
Nú er kominn 17. mars, rosalega líður tíminn hratt. Ég verð bara flutt til Reykjavíkur áður en ég veit af. En það þýðir ekkert að hanga og drolla, best að koma sér að verki, nóg á ég nú eftir að gera í dag. Heyrumst!!

2004-03-16T22:03:00.000Z

Þá er ég komin með blogg, vona bara að þetta eigi nú allt eftir að virka!!! Ég læt allavega á það reyna;) Heyrumst!

2004-03-16T21:50:00.000Z

Jæja, hvað er að frétta?